मा प्रकाशित
भक्तपुर, ८ असार ।
भक्तपुरमा गाडीको ठक्करबाट एकजनाको मृत्यु भएको छ । भक्तपुरमा सुमो गाडीले ठक्कर दिँदा बागलुङ गल्कोट नगरपालिका वडा नम्बर १० का ३५ वर्षीय मनबहादुर घर्तीको मृत्यु भएको प्रहरीले जनाएको हो ।
घर्तीलाई शुक्रबार राती सवा ९ बजे भक्तपुर नगरपालिका वडा नम्बर १ घलातेमा सल्लाघारीबाट सूर्यविनायकतर्फ आउँदै गरेको बा १३ च २२६५ नम्बरको सुमोले ठक्कर दिएको थियो ।
गाडीको ठक्करबाट गम्भीर घाइते भएका घर्तीको उपचारका क्रममा राती नै भक्तपुर अस्पतालमा मृत्यु भएको प्रहरीले जनाएको छ ।
