मा प्रकाशित
काठमाडौँ, २० साउन ।
काभा महिला भलिबल नेसन्स लिग अन्तरगत आइतबार भएको खेलमा नेपाल इरानसँग पराजित भएको छ । नेपाल इरानसँग पाँचौ सेटमा पराजित भएको हो ।
राष्ट्रिय खेलकुद परिषद् राखेपको कर्भड हलमा सम्पन्न खेलमा नेपालले इरानसँग ३ –२ को सेटबाट पराजित भएको हो । पहिलो सेट १६–२५ ले इरानलाई सुम्पिएको नेपालले दोस्रो सेट भने २५–१६ ले आफ्नो पक्षमा पार्दै बराबरी गरेको थियो । प्रतिस्पर्धात्मक तेस्रो सेट २३–२५ ले गुमाए पनि नेपालले उत्कृष्ट पुनरागमन गर्दै चौथो सेट भने २५–१५ ले जितेको थियो। योसँगै ५ सेटको खेल २–२ को स्थितिमा पुग्यो । र अन्तिम सेटमा नेपाल इरानसँग १५ –१३बाट पराजित हुन पुग्यो ।
पराजितका बाबजुत पनि नेपाल सेमिफाइनलमा पुग्न सफल भएको छ । नेपालले अन्तिम खेल प्रतियोगिताबाट बाहिरी सकेको मालदिम्भसँग खेल्नेछ ।
