मा प्रकाशित
सुनसरी, २६ साउन ।
सुनसरीमा काकाले नाबालिक भतिजीकाे हत्या गरेका छन् ।
जिल्लाकाे इटहरी उपमहानगरपालिका- ५ मा एक काकाले डेढ वर्षीया नाबालिग भतिजीको ब्लेडले चिरेर हत्या गरेका हुन् ।
डेरा गरी बस्ने शालिग्राम लुइँटेलले भतिजीको क्रूरतापूर्वक हत्या गरेको प्रहरीले जनाएको छ ।
शालिग्रामले भतिजी आइन्सु लुइँटेलको घाँटी र टाउकोमा ब्लेडले चिरेर हत्या गरेको इटहरी प्रहरीले जनाएको छ ।
प्रहरीले घटनास्थलबाट ब्लेडसहित शालिग्रामलाई नियन्त्रणमा लिएको जनाएको छ । शालिग्रामले केही वर्ष अघिदेखि डिप्रेसनको औषधि सेवन गरिरहेको र मानसिक रोगी जस्तो रहेको प्रहरीको प्रारम्भिक अनुसन्धानबाट खुलेको छ ।
