दाङ । दाङको तुलसीपुरको मोतिपुरमा सोमबार बेलुकी ८ बजे पिकअप दुर्घटनामा परी दुई जना घाइते भएका छन् ।
घाइते मध्ये चालकको अवस्था सामान्य छ भने अर्का एक जनाको अवस्था मध्यम छ ।
तुलसीपुर उपमहानगरपालिका – ११ नवलपुरका २९ वर्षीय केशव खत्री र तुलसीपुर – ११ का ३० वर्षीय मनी बिष्ट घाइते भएका छन् ।
इलाका प्रहरी कार्यालय तुलसीपुरका प्रहरी निरीक्षक प्रहरी प्रबक्ता प्रकाश थापाले घाइते मध्य खत्रीको दायाँ हात र ढाडमा चोट पटक लागेको बताए ।
मध्यम अवस्थाका घाइते खत्रीको राप्ती प्रादेशिक अस्पताल तुलसीपुरमा उपचार जारी रहेको छ । चालक बिष्ट प्रहरी नियन्त्रणमा छन् ।
तुलसीपुर – ६ मोतिपुरबाट बजार तर्फ आउँदै गरेको बा. प्र ०३००१ च ०३८१ नम्बरको पिकअप डबल क्याप अनियन्त्रित भइ सडकको बाँया साइडमा पल्टिएको प्रहरीले जानकारी दिएको छ ।
प्रहरी निरीक्षक थापाका अनुसार चालकसहित दुबै जनाले मदिरा सेवन गरेका थिए ।
