मा प्रकाशित
बझाङ , ३ भदाै ।
बझाङमा गएकाे पहिराेमा परी बेपत्ता भएका चारैजनाकाे शव फेला परेकाे छ । अविरल वर्षासँगै गएको पहिरोले पुरिएर बेपत्ता भएका चारजनाको मृत्यु भएको हाे ।
साेही पहिराेमा परेका छजनाले भने भागेर बाँच्न सफल भएका छन् ।
जिल्लाको बुङ्गल नगरपालिका वडा नम्बर १० टुमेडामा गएराती वीरा धामीको घर माथिबाट गएको पहिरोले पुरिएर बेपत्ता भएका चारजनाको शव आज बिहान निकालिएको हो ।
मृत्यु हुनेमा एकै परिवारका ५५ वर्षीया काली धामी, २५ वर्षीया गोल्की धामी, ६ वर्षीया आकृति धामी र ३ वर्षीया लक्ष्मी धामी रहेका छन् ।
