मा प्रकाशित
तनहुँ, ७ भदौ ।
तनहुँको आँबुखैरेनी नजिक मर्स्याङ्दी नदीमा यात्रुबाहक बस खसेको छ । पोखराबाट काठमाडौंतर्फ जाँदै गरेको आँबुखैरेनी नजिक ऐनापहराबाट मर्स्याङ्दी नदीमा खसेको भारतीय नम्बर प्लेटको बस रहेको प्रहरीले जनाएको हो ।
झण्डै ४० यात्रु रहेका सो बसको नम्बर युपी ५३ एफटी ७६२३ रहेको जिल्ला प्रहरी कार्यालय तनहुँले जानकारी दिएको छ । नदीमा खसेको भारतीय बसका यात्रुमध्ये १५ जना अचेत अवस्थामा रहेको गृहमन्त्रालयले जनाएको छ ।
पृथ्वी राजमार्गको आँबुखैरेनी(मुग्लिङ सडकखण्डमा पर्ने ऐनापहरा आँबुखैरेनी गाउँपालिका वडा नम्बर २ मा पर्छ । सो भारतीय बस शुक्रबार बिहान करिब साढे ११ बजेतिर सडकबाट खसेको हो ।
