मा प्रकाशित
मुग्लिन, ७ भदौ ।
चितवनको मुग्लिन–नारायणगढ सडकखण्डमा माथिबाट खसेको ढुङ्गाले लाग्दा एक यात्रुबहाक बस पल्टिएको छ । जिल्लाको भरतपुर महानगरपालिका वडा नम्बर २९ सत्रकिलोमा माथिबाट खसेको ढुङ्गाले लाग्दा यात्रुबहाक बस दुर्घटना भएको हो ।
रौतहटको गौरबाट पोखरा जाँदै गरेको ग २ ख ४७ नम्बरको बसमाथि आज दिउँसो १ः५० बजेतिर ढुङ्गा खसेको थियो । माथिबाट खसेको ढुङ्गाले लाग्दा बस अनियन्त्रित भई सडकमा पल्टिएको प्रहरीले जनाएको छ । प्रहरीका अनुसार ११ जना यात्रु घाइते भएका छन् । घाइतेलाई उपचारका लागि चितवनको भरतपुर अस्पतालमा पठाइएको छ ।
