मा प्रकाशित
काठमाडौँ, २६ भदौ ।
नेपाली कांग्रेसले आफ्ना सांसदलाई असोज ३ गतेसम्म काठमाडौँ नछाड्न ह्विप जारी गरेको छ । काङ्ग्रेसले पार्टीका सांसदहरूलाई असोज ३ गतेसम्म काठमाडौं नछाड्न निर्देशन दिएको हो ।
प्रमुख सचेतक श्याम घिमिरेले आज सूचना पठाउँदै काठमाडौंमै रहन भनेका हुन् ।
सोमबार बसेको सत्ता गठबन्धनको बैठकमा प्रधानमन्त्री केपी शर्मा ओलीले उपसभामुख इन्दिरा रानाको आचरण सही नभएको भन्दै हटाउने प्रस्ताव गरेका थिए । त्यहीअनुसार अहिले कांग्रेस एमालेले तयारी गरिरहेका राजीनामा मागिरहेका छन् ।
उपसभामुखले राजीनामा नदिए हटाउने प्रस्ताव लैजाने गठबन्धनको तयारी छ । त्यसैले कांग्रेसले मात्रै नभएर एमालेले पनि यसअघि नै सांसदहरूलाई ३ गतेसम्म काठमाडौं नछाड्न भनिसकेको छ ।
