दाङ, १ असाेज ।
१२औं राष्ट्रिय विज्ञान दिवसको अवसरमा दाङमा हाजिरीजवाफ कार्यक्रम सम्पन्न भएको छ । स्टान घोराही नगर कमिटीकाे आयाेजनामा कार्यक्रम सम्पन्न भएकाे हाे ।
घोराही नगरस्तरीय अन्तर माध्यमिक विज्ञान हाजिरीजवाफ प्रतियोगितमा सिद्धार्थ एकेडेमी प्रथम, गोरखा इन्टरनेसनल पब्लिक सेकन्डरी स्कुल द्वितीय , दीपशिखा आवासीय मावि तृतीय र सनराइज एकेडेमीले सान्त्वना स्थान प्राप्त गरेका थिए ।
संस्थाका अध्यक्ष प्रकाश गाैतमकाे अध्यक्षता तथा लुम्बिनी प्रदेशका उद्योग ,पर्यटन तथा यातायात मन्त्री प्रचण्ड विक्रम न्यौपानेकाे प्रमुख आतिथ्मा कार्यक्रम सम्पन्न भएकाे हाे । कार्यक्रममा विशिष्ट अतिथि तथा स्टान केन्द्रीय वरिष्ठ उपाध्यक्ष विकास गौतम, माध्यमिक विद्यालय व्यवस्थापन समितिका अध्यक्ष हरिप्रसाद गाैतम, प्रधानाध्यापक उद्धव न्याैपाने लगायतले मन्तव्य राखेका थिए । कार्यक्रमकाे सहजीकरण सचिव विष्णु हमालले गरेका थिए ।
