घोराही, ११ मङ्सिर ।
निजी तथा आवासीय विद्यालय अर्गनाइजेसन नेपाल (प्याब्सन) दाङ अन्तर्गतको प्याब्सन घोराही नगर कमिटीको सल्लाहकारमा सूर्यबहादुर रावत मनोनित भएका छन् । प्याब्सन घोराहीको आज मङ्गलबार बसेको बैठकले रावतलाई सल्लाहकारमा मनोनित गरेको हो ।
रावत यसअघि प्याब्सन घोराहीको उपाध्यक्ष रहेका थिए । युनिक मिडवेस्टर्न एकेडेमी नारायणपुरका प्रिन्सिपल हुन् । उनी दुई दशक बढी लामो समयदेखि संस्थागत विद्यालयमा आवद्ध रहेका छन् ।
साथै आज बसेको बैठकले प्याब्सन घोराहीको गौरवको कार्यक्रम तेस्रो प्याब्सन घोराही रनिङ सिल्डको संयोजकको जिम्मेवारी उपाध्यक्ष मानसिंह घर्तीलाई प्रदान गरेको छ । तेस्रो प्याब्सन घोराही रनिङ सिल्ड यही मङ्सिर २७, २८ र २९ गते हुँदै छ ।
बैठक प्याब्सन घोराहीका अध्यक्ष बालकृष्ण ओलीको अध्यक्षता तथा प्याब्सन केन्द्रीय कार्यसमितिका सचिव यादव गिरीको प्रमुख आतिथ्यमा सम्पन्न भएको थियो । बैठकमा प्याब्सन घोराहीका प्रमुख सल्लाहकार बिरेन्द्र चन्द, वरिष्ठ सल्लाहकार पोषण न्यौपाने लगायतले मन्तव्य राखेका थिए ।
उपाध्यक्ष मानसिंह घर्तीको स्वागत मन्तव्यबाट सुरु भएको बैठकको सहजीकरण सचिव बिमल भण्डारीले गरेका थिए ।
