मा प्रकाशित
बाबुराम श्रेष्ठ
साउन १०, धादिङ ।
गत सोमबार अविरल वर्षासँगै आएको बाढीले चितवन र धादिङ जोड्ने मौवाखोलाको पुलको जिप भत्किएपछि पूर्णरुपमा बन्द भएको पृथ्वीराजमार्ग पुन सञ्चालनमा आएको छ । बर्षाका कारण बेनिघाट रोराङ गाउँपालिका वडा नं. १० मौवाखोलास्थित पृथ्वी लोकमार्ग जोड्ने पुल छेउको सडक खण्ड खोलाले कटान गरी भत्किएको सडकमा नेपाली सेनाले ग्याबिन जाली भरेर मर्मत गरेपछि हिजोबाट मोटरसाइकल र स–साना कारहरु सञ्चालनमा आएका हुन् । मौवाखोलाको पुल र सडक जोड्ने १२ मिटर भाग नेपाली सेनाले ग्याबिन जाली राखी सडकको मर्मत गरेका थिए । मौवाखोलाको पुल अवरुद्ध भएपछि पुलनिर्माणको काम भइरहेको जिल्ला ट्राफिक कार्यालय गजुरीका प्रमुख नेत्र प्रसाद भट्टले सीआइएनलाई जानकारी दिए ।
