प्याब्सन घाेराहीले किड्स ओलम्पियाड गर्दै – Kanika Khabar
Tuesday, February 18Nepali News Portal

प्याब्सन घाेराहीले किड्स ओलम्पियाड गर्दै

    मा प्रकाशित

घोराही, ६ माघ । निजी तथा आवासीय विद्यालय अर्गनाइजेसन नेपाल (प्याब्सन) घोराही नगर कमिटीले किड्स ओलम्पियाड सञ्चालन गर्ने भएकाे छ ।

प्याब्सन घोराही नगर कमिटीका अध्यक्ष बालकृष्ण ओलीको अध्यक्षता एवम् प्याब्सन लुम्बिनी प्रदेशका सल्लाहकार महेन्द्र अधिकारीको प्रमुख आतिथ्यतामा सम्पन्न बैठकले यही माग २६ गते किड्स ओलम्पियाड सञ्चालन गर्ने निर्णय गरेको हो । प्याब्सन घोराहीले कक्षा एल्केजीदेखि कक्षा एकसम्मका विद्यार्थीहरुको सहभागिता हुनेगरी किड्स ओलम्पियाड सञ्चालन गर्न लागेको अध्यक्ष बालकृष्ण ओलीले जानकारी दिए ।

प्याब्सन घोराही रनिङ सिल्डको तेस्रो संस्करण सम्पन्न गरेको प्याब्सन घोराहीले पहिलो संस्करणस्वरुप प्याब्सन घोराही किड्स ओलम्पियाड सञ्चालन गर्न लागेको अध्यक्ष ओलीले जानकारी गराए । किड्स ओलम्पियाड सञ्चालन सम्बन्धमा प्याब्सन घोराही नगरमा आबद्ध निजी तथा संस्थागत विद्यालयका पूर्व प्राथमिक तहका संयोजकहरुसँग माघ ११ गते शुक्रबार छलफल गर्ने निर्णय समेत गरेको सचिव बिमल भण्डारीले जानकारी गराए ।

नगर समिति उपाध्यक्ष मानसिङ घर्तीको स्वागत मन्तव्यबाट सुरुभएको बैठकमा प्रमुख सल्लाहकार बिरेन्द्र चन्दले आफ्ना धारणा राखेका थिए । बैठकको सहजीकरण सचिव बिमल भण्डारीले गरेका थिए ।

"कनिका खबर डट कम"

यो नेपाली भाषाको डिजिटल पत्रिका हो । हामी तपाईंहरूका सामु छुटै महत्वको साथ समाचार पस्कदै छौँँ । हामी सधैं तपाईंको रचनात्मक सल्लाह र सुझावको अपेक्षा गर्दछौं । हामीलाई पछ्याउनुभएकोमा धन्यवाद । हरपल तपाईंको समाचारको साथी कनिका खबर  [Email : [email protected]]

     
प्रतिक्रिया दिनुहोस्