मा प्रकाशित
कनिका खबर
साउन १३, स्याङ्जा ।
पछिल्लो अद्यावधिक अनुसार जिल्ला प्रहरी कार्यालय स्याङ्जामा कार्यरत थप १६ जना प्रहरीमा कोरोना संक्रमण पुष्टि भएको छ ।
मंगलबार साँझ कोरोना पुष्टि भएका स्याङ्जाका २५ जनामध्ये १६ जना प्रहरी रहेको जिल्ला प्रहरी कार्यालय स्याङ्जाले जनाएको छ ।
हालसम्म प्रहरी कार्यालयमा ३७ प्रहरी, एक शिशु र एक जना थुनुवामा पनि कोरोना पुष्टि भएको जिल्ला प्रहरी प्रवक्ता डीएसपी राजेन्द्र अधिकारीले जानकारी दिए ।
सुरक्षा निकायका व्यक्तिहरुलाई नै कोरोना संक्रमण भएपछि स्याङ्जाको सुरक्षा व्यवस्था थप कडा पारिएको छ ।
सार्वजनिक सवारी बन्द गरेर अत्यावश्यक बाहेकका काममा बाहिर ननिस्कनको जिल्ला प्रशासन कार्यालय स्याङ्जाले आग्रह गरेको छ ।
