मा प्रकाशित
कनिका खबर
साउन १५, बाजुरा
बुढिगंगा नगरपालिका वडा न १ अम्कोटमा पहिरोमा परी एकजना बेपत्ता भएका छन् । बेपत्ता हुनेमा सोही नगरपालिका वडा न १ अम्कोटका बर्ष २१ का धर्मराज पाध्याय रहनुभएको छ । बाख्रा चराउन गएको समयमा माथीबाट आएको पहिरोमा परी अन्य २ जना घाइते भएका छन् । घाइते हुनेमा बर्ष १७ का ज्ञानराज पाध्याय र बर्ष १६ का हरेन्द्र पाध्याय रहनुभएको छ । प्रहरी नजिकै रहेकोले तत्काल घाइतेको उद्धार गरेको जिल्ला प्रहरी कार्यालय बाजुराले जनाएको छ ।
प्रहरीका अनुसार एकजना सामान्य र एकजना गम्भीर घाइते भएका छन् । बेपत्ता भएका पाध्यायको खोजी कार्य जारी रहेको जिल्ला प्रहरी कार्यालय बाजुराका प्रहरी निरीक्षक दानबहादुर रोकायालले जानकारी दिनुभयो ।
