कनिका खबर
दाङ, १८ साउन ।
नेपाल बैक दाङ शाखाले घोराही उपमहानगरपालिका १५ भरतपुर महेन्द्र क्याम्पस नजिकको एक्सटेन्सन काउन्टरबाट आज आईतबार देखी सेवा सुचारु गरेको छ । दाङ शाखा प्रबन्धक सरोज उपाध्यायले ग्राहकले रकम जम्मा र निकाल्न सक्ने गरी आइतबारदेखि सेवा शुरु गरिएको र केही दिनमै औपचारिक उद्घाटन गरिने जानकारी दिए । महेन्द्र क्याम्पसका सहायक क्याम्पस प्रमुख सुदर्शन रिजालले रकम जम्मा गरेर आज आईतबारको सेवा शुरु गरेका छन् । महेन्द्र बहुमुखी क्याम्पसको अनुरोधमा दुई वर्ष अघिदेखि नेपाल बैकले भरतपुर क्याम्पस र पद्मोदय पब्लिक माध्यमिक बिद्यालय तथा घोराही १५, १७, ५, ६, ७ वडाका बासिन्दालाई लक्षित गरी एक्सटेन्सन काउन्टरको प्रयास थालिएको थियो । महेन्द्र बहुमुखी क्याम्पसले क्याम्पसलाई क्यासलेस बनाउने उद्देश्यले नजिक बैंक ल्याउनका लागि नेपाल बैकलाई पत्राचार गरी प्रयास थालेको थियो । क्याम्पसले दुई वर्ष अघि देखिको प्रयास सार्थक भएको भन्दै नेपाल बैकलाई धन्यबाद दिएको छ ।
