कनिका खबर
साउन २३, दाङ ।
नेपालमा कोरोना भाइरस पुष्टि भएकामध्ये १ हजार ५ सय विरामी गम्भीर प्रकृतिका रहेको बताइएको छ । स्वास्थ्य तथा जनसंख्या मन्त्रालयले १५ सय जना गम्भीर प्रकृतिका कोरोना संक्रमित रहेको बताएको हो । आईसीयू र भेन्टिलेटरको व्यवस्थापन गरिएको जनाएको छ ।
मन्त्रालयका प्रवक्ता डा. जागेश्वर गौतमले १५ सय जना गम्भीर प्रकृतिका कोरोना संक्रमितको उपचारका लागि आईसीयू तथा भेन्टिलेटरको व्यवस्थापन गरिएको बताएका छन् । प्रवक्ता गौतमले आईसीयू र भेन्टिलेट तयारी अवस्थामा रहेको जानकारी दिएका छन् ।
डा गौतमका अनुसार नेपालमा अहिले ६६ जना कोरोना संक्रमति आईसीयूमा उपचारत छन् । उनीहरु मध्ये ३ जनाको भेन्टिलेटर सहितको आईसीयूमा राखेर उपचार भइरहेको छ ।