मा प्रकाशित
कनिका खबर
साउन २६, दाङ
ब्राजिलमा कोरोना भाइरसको सङ्क्रमणका कारण मृत्यु हुनेको संख्या एक लाख नाघेको छ । कोरोना भाइरसका कारण विश्वकै दोस्रो प्रभावित मुलुक ब्राजिलमा कोरोना सङ्क्रमणका कारण मृत्यु हुनेको संख्या एक लाख २ सय ४० पुगेको छ । अमेरिकापछि ब्राजिलमा सबैभन्दा धेरै मानिसको कोरोना सङ्क्रमणका कारण मृत्यु भएको छ भने सङ्क्रमितको संख्यापनि अमेरिकापछि सबैभन्दा धेरै रहेको छ । ब्राजिलमा पछिल्लो तीन महिनामा कोरोना सङ्क्रमणका कारण ५० हजारभन्दा बढीको मृत्यु भएको छ । तर, पछिल्लो ५० दिनमा यहाँ दुई गुणा बढीको मृत्यु भएको छ । ब्राजिलको स्वास्थ्य मन्त्रालयका अनुसार ब्राजिलमा कोरोना भाइरसका कारण हालसम्म २९ लाख ८८ हजारभन्दा बढी सङ्क्रमित भएका छन् ।
