कनिका खबर
साउन २६, सिरहा
कोरोना भाइरस समुदायस्तरमा फैलिन थालेको भन्दै सिरहा नगरपालिकाले पूर्णरुपमा लकडाउन गर्ने निर्णय गरेको छ । सिरहा नगरपालिकाका नगरप्रमुख अशेस्वरप्रसाद यादवको अध्यक्षतामा आइतबार हिजो बसेको नगर कार्यपालिकाको बैठकले श्रावण २५ गते राती १२ बजेदेखी ३२ गते राती १२ बजेसम्मका लागि पूर्णरूपमा लकडाउन गर्ने निर्णय गरेको हो । बैठकले नगरक्षेत्रभित्र हाटबजार, सभासम्मेलन, कार्यालयहरू, बित्तिय संस्थाहरू, ब्यवसाय, होटेल तथा रेस्टुरेन्ट, सरकारी तथा नीजी सवारी नचल्ने निर्णय गरेको छ । अत्यावश्यक एम्बुलेन्स, औषधि पसल, दूध ढुवानी गाडी, खानेपानी, फोहोरमैला व्यवस्थापन कार्य नरोकिने निर्णय भएको नगरप्रमुख यादवले बताउनुभयो ।
मा प्रकाशित