मा प्रकाशित
कनिका खबर
साउन २६, रुकुम पश्चिम
रुकुम पश्चिमको आठविसकोट नगरपालिकामा खोलामा बगेर एक बालिकाको मृत्यु भएको छ । वडा नम्वर १२ स्यानीवार्खुका खडक बहादुर पुनका ११ वर्षिया छोरी कृष्णा पुनको खोलामा बगेर मृत्यु भएको प्रहरीले जनाएको छ । हिजो बिहान घट्ट पिस्न गएको बेला करिब साढे १० बजेतिर सोहि वडाको कालाखोलाले बगाउँदा बालिकाको मृत्यु भएको इलाका प्रहरी कार्यालय आठविसकोटका इन्चार्ज प्रहरी निरीक्षक अच्युतराज आचार्यले जानकारी दिनुभयो ।
बालिका खोलामा बगेको थाहा पाएपछि स्थानीय बासिन्दा र प्रहरी घटनास्थलमा पुगेका थिए । बगेको ठाउँबाट करिव एक किलोमिटर तल बालिकालाई मृत अवस्थामा फेला पारिएको वडा नम्वर १२ का वडा अध्यक्ष खुम्मे कुसारीले बताउनुभयो ।
