कनिका खबर
साउन २६, दाङ ।
नेपालमा थप २ जना कोरोना सङ्क्रमितको मृत्यु भएको छ । लितपुरको मेडिसिटी अस्पतालमा उपचाररत ६४ वर्षीय कोरोना संक्रमित पुरुषको आज सोमबार मृत्यु भएको हो । उनी निमोनिया र मधुमेहका बिरामी थिए । उनलाई साउन १५ गते अस्पताल भर्ना गरिएको थियो । मृतक कलंकी ट्याङ्ला फाँटका हुन् ।
त्यसैगरी धनुषामा १ जनाको मृत्यु पश्चात कोरोना पुष्टि भएको छ । जिल्लाको मिथिला बिहारी नगरपालिका वडा नं.५ निवासी ४५ वर्षीय पुरुषमा कोरोना संक्रमण पुष्टि भएको हो । कोरोनासँग मिल्दोजुल्दो लक्षण देखिएका उनको शनिबार राति मृत्यु भएको थियो ।
मिथिला बिहारी नगरपालिका ५ घर भएका उनी जनकपुरधाम उपमहानगरपालिका २ कदम चोकस्थित बिनयतारा फाउण्डेशन क्यान्सर अस्पतालमा सेक्युरिटी गार्डको काम गर्दै आएका थिए ।
विदामा घर गएको बखत बिरामी भएका उनलाई एक्कासी ज्वरो, रुघाखोकीका साथै श्वास फेर्न समस्या भएपछि शनिबार राति उपचारका लागि ल्याउने क्रममा उनको मृत्यु भएको थियो ।
