कनिका खबर
साउन २७, प्यूठान ।
प्यूठानको माण्डवी गाउँपालिकाका एक जना कर्मचारीमा कोरोना सङ्क्रमण पुष्टि भएपछि गाउँपालिकाको कार्यालय पूर्ण बन्द गरिएको छ । गाउँपालिकामा कार्यरत कर्मचारीहरुको पीसिआर परीक्षण गर्दा ३७ वर्षका पुरुष कर्मचारीमा कोरोना सङ्क्रमण पुष्टि भएको गाउँपालिकाका स्वास्थ्य शाखा प्रमुख धु्रव पोख्रेलले जानकारी दिए । ती कर्मचारीको सम्पर्क र संसर्गमा रहेकाहरुको खोजी भइरहेको उहाँले बताए । कर्मचारीमा कोरोना सङ्क्रमण देखिएपछि गाउँपालिकाको सबै सेवा बन्द गरिएको छ । गाउँपालिकामा आज बसेको पालिकास्तरीय बैठकको निर्णय अनुसार गाउँपालिकाले अर्को सुचना जारी नगरेसम्मका लागि सम्पूर्ण सेवाहरु बन्द गरेको गाँउपालिकाका प्रमुख प्रशासकिय अधिकृत शिशिर रिजालले जानकारी दिए । साथै गाँउपालिकाले पालिकाबासीलाई आ आफ्नो ठाँउमा सुरक्षित तरिकाले बस्न आग्रह समेत गरेको छ ।
मा प्रकाशित
