कनिका खबर
भदौ १, नुवाकोट
नुवाकोटका थप दुई जना कोरोना सङ्क्रमित निको भएर घर फर्किएका छन् । हिजो थप दुई जना निको भएसँगै नुवाकोटमा कोरोना सङ्क्रमणपछि निको हुनेको संख्या ४४ पुगेको छ । लिखु स्थायी घर भई काठमाडौंस्थित किर्तिपुर अस्पतालको आइसोलेसनमा उपचाररत एक जना पुरुष र शसस्त्र प्रहरी अस्पतालमा उपचाररत विदुर नगरपालिकाका एक जना महिला स्वस्थ भएको स्वास्थ्य कार्यालय नुवाकोटका सूचना अधिकारी उत्तमराज खनालले जानकारी दिनुभयो ।
नुवाकोटमा हालसम्म ६९ जनामा कोरोना सङ्क्रमण पुष्टि भएको छ । सङ्क्रमित मध्ये अब १५ जनाको नुवाकोट जिल्ला अस्पताल, ५ जनाको काठमाडांैका विभिन्न अस्पताल र चार जनाको तादीस्थित खरानीटार अस्पतालमा उपचार भइरहेको छ ।
हालसम्म नुुुुवाकोटमा दुई हजार एक सय ६७ जनाको नमूना सङ्कलन गरिएको छ । जसमध्ये तीन सय ८९ जनाको नतिजा आउन बाँकी रहेको छ भने एक हजार सात सय नौ जनामा कोरोना नभएको पुष्टि भएको सूचना अधिकारी खनालले बताउनुभयो ।
