कनिका खबर
भदौं ६, काठमाडौं
काठमाण्डौ उपत्यकामा बिहीबारदेखि जारी गरिएको निषेधाज्ञा पुर्ण कार्यान्वनमा आइरहेको स्थानीय प्रशासनले दावी गरेका छन् । काठमाण्डौ उपत्यकामा कोरोना सङ्क्रमित बढ्न थालेपछि काठमाण्डौ, ललितपुर र भक्तपुर गरी तीनवटै जिल्लाका प्रशासनल जारी गरेकोे निषेधाज्ञा नागरिकले पालना गरेको उनिहरुको दाबी छ । आज काठमाण्डौका प्रमुख जिल्ला अधिकारीको नेतृत्वमा गरेको अनुगमन टोलीले निषेधाज्ञा सबै ठाउँमा पालना भएको जनाएको छ । बिहान नागढुंगा पुगेर स्थलगत अनुगमन गरेर फर्किनुभएका काठमाण्डौका प्रमुख जिल्ला अधिकारी जनकराज दाहालले सीआइएनसँग भन्नुभयो । यसैविच काठमाडौं महानगरपालिकाले शहरका बिभिन्न स्थानमा निःसङ्क्रमण गर्ने काम जारी राखेको छ । आज बिहानै पनि ट्यांकरबाट औषधि छर्किएर निःसङ्क्रमण गरिएको छ । सडक, सडक किनारका संरचना र बोटबिरुवामा समेत औषधि छर्किइएको छ । आज बिहान न्यूरोड, रत्नपार्क, बागबजार, पुतलीसडक, शंकरदेव, प्रदर्शनीमार्ग, सिंहदरबार पश्चिम गेट, थापाथली, परोपकार प्रसूति गृहलगायतका स्थानमा निःसङ्क्रमण गरिएको महानगरपालिकाले जनाएको छ ।
मा प्रकाशित
