मा प्रकाशित
राधिका बुढाथोकी
भदौ ९, सिन्धुली ।
सिन्धुलीमा ६ बर्षीया बालिका बलात्कार गरेको आरोपमा दुई जना बालक पक्राउ परेका छन् । पक्राउ पर्नेमा दुधौली नगरपालिकाका १४ र १६ बर्षका बालक रहेका छन् । घटनामा संलग्न पनि बालक नै भएको भन्दै प्रहरीले नाम भने गोप्य राखेको छ । घरमा कोही नभएको मौका छोपी बालिकालाई एकान्तस्थलमा लगेर बलात्कार गरेको अभियोगमा बालकलाई पक्राउ गरिएकोे ईलाका प्रहरी कार्यालय डकाहाका प्रमुख सुगन्ध श्रेष्ठले जानकारी दिए । आरोपित दुई जना बालकलाई हिजो पक्राउ गरेर आज जिल्ला प्रहरी कार्यालय सिन्धुलीमा पठाईएको छ । दुई जना बालकले बालिकालाई बलात्कार गरेको स्विकारेका छन् ।
