मा प्रकाशित
कनिका खबर
भदौ १२, दाङ ।
पछिल्लो समय दाङमा कोरोना सक्रमण वढदै गएपछि संक्रमण नियन्त्रणका लागि आज शुक्रबार जिल्ला स्तरीय संकट व्यवस्थापन समितिकोे वैठक वस्ने भएको छ । समुदाय स्तरमा कोरोना संक्रमित भेटिएपछि जिल्लामा के गर्ने भन्ने बारेमा आज छलफलको कार्यक्रम राखिएको दाङका प्रमुख जिल्ला अधिकारी गोविन्द रिजालले जानकारी दिए । दाङमा अहिलेसम्म ७ सय ४८ जनामा कोरोना संक्रमण देखिएकोमा ६९ जनाको विभिन्न आइसोलेसनमा उपचार भइरहेको छ भने अन्य उपचारपछि घर फर्किएका छन् । अहिले कोरोनाको विश्लेषण गरिरहेका र आज स्थानीय तहसँगको छलफलपछि कति दिन लकडाउन गर्ने या के गर्ने भन्ने वारेमा टुंगो लगाइने पनि प्रमुख जिल्ला अधिकारी रिजालले बताए ।
