मा प्रकाशित
कनिका खबर
भदौं १३, काठमाडौं
नेपाल कम्युनिस्ट पार्टी (नेकपा) को सचिवालय बैठक स्थगित भएको छ ।
उपप्रधान एवं रक्षा मन्त्री ईश्वर पोखरेल र गृह मन्त्री रामबहादुर थापा बादल होम आइसोलेशनमा बसेपछि शनिबारका लागि बोलाइएको सचिवालय बैठक स्थगित भएको हो ।
सचिवालयको अर्को बैठक भदौ १८ गतेलाई तोकिएको छ । बैठकमा कार्यदलले बुझाएको प्रतिवेदनमाथि छलफल गर्ने तयारी छ ।
कोभिड–१९ संकट व्यवस्थापन केन्द्र ९सीसीएमसी०को सचिवालयमा कार्यरत एक कर्मचारीमा कोरोना संक्रमण पुष्टि भएसँगै उनीहरु होम आइसोलेसनमा बसेका हुन् ।
गत आइतबार कोरोना भाइरस रोकथाम तथा नियन्त्रणका विषयमा सीसीएमसीको बैठक बसेको थियो । उनीहरुको पीसीआर परीक्षण गरिएको भए पनि नतिजा भने आउन बाँकी छ । नतिजा नआउँदा सम्म उनीहरु होम आइसोलेसनमै बस्नेछन् ।
