कनिका खबर
भदौं १३, बर्दिवास
महोत्तरीको बर्दिबासमा आज सवारी दुर्घटना हुँदा एकजनाको मृत्यु भएको छ । दुर्घटनामा बर्दिबास नगरपालिका १ का ४० वर्षीय टेक नारायण श्रेष्ठको मृत्यु भएको हो । दुर्घटनामा गम्भीर घाइते भएका श्रेष्ठलाई घटनालगत्तै उपचारका लागि बर्दिबास जनसेवा हस्पिटलमा भर्ना गरेको र उपचारकै क्रममा श्रेष्ठको ज्यान गएको ईलाका प्रहरी कार्यलय बर्दिबासका प्रहरी निरीक्षक सोनु कुमार साहले जानकारी दिनुभयो । बर्दिबास नगरपालिका १ स्थित बर्दिबास बजार क्षेत्रमै रोकेर राखिएको ना. ३ स. २३६१ नम्बरको अटोलाई आर जे ०२ जि बी ३३४७ नम्बर भएको भारतीय गाडिले ठक्कर दिँदा अटो चालक श्रेठको मृत्यू भएको प्रहरीले जनाएको छ ।भारतीय गाडि सहित चालक अरबिन कुमार बलाइतलाई प्रहरीले नियन्त्रणमा लिएको छ ।
मा प्रकाशित