भदौ १४, दाङ ।
लायन्स क्लव अफ दाङ राजविद्याको आयोजनामा आज आइतबार रक्तदान कार्यक्रम सम्पन्न भएको छ । दाङमा ब्लडको अभाब हुँदै गएको भन्ने समाचार प्रकाशन प्रशारण भएपछि रक्तदान कार्यक्रमको आयोजना गरिएको आयोजक संस्थाले बताएको छ ।
घोराही उपमहानगरपालिका वडा नं. १८ मा अवस्थित राजविद्या पाठशाला र लायन्स क्लब अफ दाङ राजविद्याको संयुक्त आयोजनामा रक्तदान कार्यक्रम सम्पन्न भएको हो ।
कार्यक्रममा १९ जनाले रक्तदान गरेका थिए । क्लबका अध्यक्ष टिकाजङ बि.के.को अध्यक्षता एवम् लायन्स क्लब एरिया ५ का मूल्याङ्कन प्रमुख लब नरसिंह अधिकारीको प्रमुख आतिथ्यतामा कार्यक्रम सम्पन्न भएको थियो ।
यस्तो जोखिमको अवस्थामा पनि रगतको अभावलाई परिपूर्ति गर्नका लागि रक्तदान गर्नेहरुलाई धन्यवाद ज्ञापन गरिएको थियो ।
क्लबका सदस्य गणेश के.सी.को स्वागत मन्तव्यबाट सुरु भएको कार्यक्रम क्लबका सदस्य सतिश सुवेदीले सहजीकरण गरेका थिए ।
