कनिका खबर
भदौं १८, सिन्धुपाल्चोक
लिसङ्खुपाखर गाउँपालिकाको गौरवको योजनाको रुपमा रहेको सिक्रे अत्तरपुर खानेपानी आयोजना सुरु भएको छ । वर्षाेदेखि खानेपानी नहुँदा समस्यामा रहेका लिसङ्खुपाखर गाउँपालिका–४ का स्थानीयले अब भने खानेपानीको सुविधा पाउने भएका छन् । वृहत्त खानेपानी आयोजनाको गाउँपालिकाका अध्यक्ष कमल नेपालले औपचारिक रुपमा शिलान्यास गरेसँगै स्थानीयको लामो समयदेखिको खानेपानी अभावबाट मुक्त हुने भएका हुन् । खानेपानी आयोजनाबाट वडा नम्बर ४ का २ सय २५ घरधुरीका १४ सय ३५ स्थानीयले खानेपानी सुविधा पाउने अध्यक्ष नेपालले जानकारी दिनुभयो । खानेपानी आयोजनाबाट गाउँपालिका आसपासका नयाँ बस्ती, पाग्रे पुरानो बस्ती, सिक्रे पुरानो बस्ती र पात्लेका स्थानीयले सुविधा पाउने गाउँपालिकाका प्रमुख प्रशासकीय अधिकृत पुर्णप्रसाद दुलालले बताउनुभयो । गाउँपालिकाले सुरु गरेको एक घर एक धारा कार्यक्रम अन्र्तगत रहेको यस आयोजनापछि खानेपानीको समस्या यी बस्तीहरुमा सँधैका लागि अन्त्य हुने अधिकृत दुलालले जानकारी दिनुभयो । संघीय सरकारको विशेष अनुदान, स्थानीय पुर्वाधार साझेदार कार्यक्रम अन्र्तगत १ करोड ४६ लाख ३५ हजार र प्रदेश प्रदेश सासंद अरुण नेपालको सासंद विकास कोषको ५० लाख सहित झण्डै २ करोड रुपियाँको लागतमा खानेपानी आयोजना निर्माण सुरु भएको छ ।
मा प्रकाशित
