विश्वमा कोरोनाको कारण ८ लाख ७३ हजारको मृत्यु

कनिका खबर
भदौं १९, दाङ
विश्वमा कोरोना भाइरस सङ्क्रमणबाट मृत्यु हुनेको संख्या ८ लाख ७३ हजार २३३ पुगेको छ । हाल सम्म २ करोड ६४ लाख ७१ हजार ७३३ जनामा सङ्क्रमण पुष्टि भएको छ । एकै दिन २ लाख ८८ हजार २४६ मा नयाँ सङ्क्रमण देखिएको छ भने ५ हजार ९ सय १ जनाले ज्यान गुमाएका छन् । सङ्क्रमित १ करोड ८६ लाख ५३ हजार १७२ जनाले कोरोनालाई जितेका छन् भने ६९ लाख ३३ हजार ३५१ जना सक्रिय सङ्क्रमित छन् । उनीहरुमध्ये ६० हजार ८७४ जनाको अवस्था गम्मीर छ । चीनको वुहानबाट सुरु भएको कोरोनाको सङ्क्रमण अहिले सबैभन्दा धेरै अमेरिकामा छ । अमेरिकामा ६३ लाख ३५ हजार २४४ जना सङ्क्रमित छन् भने १ लाख ९१ हजार ५८ जनाको मृत्यु भएको छ ।