मा प्रकाशित
कनिका खबर
भदौं २१, भक्तपुर
नेपाल मजदुर किसान पार्टीका नेता तथा सांसद प्रेम सुवाललाई कोरोना सङ्क्रमण भएको छ । कन्ट्रयाक ट्रेसिङ्गमा परेपछि शङ्का लागेर यही भदौ १५ गते उहाँले परीक्षणका लागि स्वाब दिनुभएको थियो । हिजो आएको रिपोर्टमा उहाँमा कोरोना पोजेटिभ अर्थात् सङ्क्रमण भएको पुष्टि भएको हो । रिपोर्ट आएसँगै उहाँ होम आइसोलेसनमा बस्नुभएको छ । आजदेखी उहाँको सम्पर्कमा आएका सबैको कन्ट्रयाक ट्रेसिङ गरिने बताइएको छ । उहाँको ट्राभल हिस्ट्री खोजिने कार्य भइरहेको छ । भक्तपुर नगरपालिकाले च्यामासिंहमा सञ्चालन गरेको जनस्वास्थ्य ल्याबमा गरिएको परीक्षणबाट उहाँमा कोरोना पुष्टि भएको हो । उहाँ भक्तपुर निर्वाचन क्षेत्र नम्बर १ बाट प्रतिनिधिसभामा निर्वाचित सांसद हुनुहुन्छ ।
