कनिका खबर
भदौं २७, भक्तपुर
भक्तपुरको मध्यपुरथिमि नगरपालिका–९, निकोसेरास्थित आफ्नै निवासमा एकै परिवारका तीन जनाको हत्या घटना थप रहस्यमय बन्दै गएको छ । महानगरीय प्रहरी वृत्त थिमिदेखि करिब ७ सय मिटर पर निकोसेराबाट सिन्टिटार जाने सडकमै रहेको चारतले घरमा एउटा कुकुरसहित ३६ वर्षीय सुदीप अधिकारी, उहाँका श्रीमती ३४ वर्षीय सम्झना र १५ वर्षीय छोरा सुशान्तको हत्या प्रकरण रहस्यमय बनेपछि प्रहरीले विभिन्न कोणबाट अनुसन्धान थालेको छ । मध्यपुरथिमि नगरपालिका–६, कुण्डोल बस्ने मृतक सुदीपका भाइ सुनिल अधिकारी हिजो दाजुको घरमा मासु पु¥याउन जाँदा दाजुका सबै परिवार मृत देखेपछि घटना बाहिर आएको थियो । भाइ सुनिलका अनुसार घरको मूलढोका केही खुलेको थियो । बाहिरबाटै दाजुलाई बोलाउँदा नबोलेपछि भित्र गएका थिए । भित्र जानेबित्तिकै केही गन्ध आयो । घरको मूलढोकाको ताल्चा साँचो ढोकाभित्रको प्यासेजमा राखिएको मोटरसाइकलमाथि थियो । भाइ सुनिल माथि जाँदा दोस्रो तलाको भ¥याङको प्यासेजमा सेतो कुकुर मृत भेटिएको थियो । सुदीपले श्रीमती र छोराको हत्या गरेको केही दिनपछि विष सेवनबाट आफैंले आत्महत्या गरेका हुन् कि भन्ने प्रहरीको प्रारम्भिक अनुमान छ ।
मा प्रकाशित
