कनिका खबर
भदौं ३०, रोल्पा
रोल्पाको माडी गाउँपालिकाले संघीय सरकारको निर्देशिका बमोजिम असोज एक गतेबाट प्रत्यक्ष शिक्षण सिकाइ क्रियाकलाप सञ्चालन गर्ने भएको छ । गाउँ शिक्षा समितिको निर्णयअनुसार गाउँपालिकामा रहेका ३३ वटा समुदायिक बिद्यालय र २ वटा संस्थागत विद्यालयहरू असोज एक गतेबाट स्वास्थ्य सुरक्षाका मापदण्ड अपनाएर सञ्चालन गरिने गाउँपालिकाका शिक्षा अधिकृत परशुराम ढकालले जानकारी दिनुभयो । भाद्र २८ गते बसेको शिक्षा समितिको बैठकको निर्णय हिजो सार्वजनिक गर्दै विद्यालयमा विद्यार्थीलाई नै बोलाएर पढाइ सञ्चालन गरिने गाउँपालिका अध्यक्ष नन्दबहादुर पुनले बताउनुभयो । लामो समयदेखि विद्यार्थीहरू पढाइबाट बञ्चित रहेको र यस स्थानीय तहमा कोरोना भाइरसको सङ्क्रमण नदेखिएकाले पठनपाठन सञ्चालन गर्ने निर्णयमा पुगेको गाउँपालिकाले जनाएको छ । संघीय सरकारले पनि असोज एक गतेबाट बिद्यार्थीको पढाइलाई निरन्तरता दिन मन्त्रीस्तरको गत भाद्र १९ को निर्णयले सिकाइ सहजीकरणको निर्देशिका तयार पारेको थियो ।
मा प्रकाशित
