दाङ,३० भदौ ।
नेकपाका युवा नेता प्रेम बुढाले अस्थायी प्रहरी पोष्ट हापुरलाई स्वास्थ्य सामग्री सहयोग सहयोग गरेका छन् ।
कोरोना भाइरसको महामारीको समयमा अग्रपंतीमा खटिएर काम गर्ने प्रहरीलाई स्वास्थ्य सामग्री सहयोग गर्ने कार्यक्रम अन्तर्गत मंगलवार अस्थायी प्रहरी पोष्ट हापुरलाई स्वास्थ्य सामग्री सहयोग गरेको युवा नेता बुढाले जानकारी दिएका छन् ।
उनले अस्थायी प्रहरी पोष्ट हापुरमा पुगेर इन्चार्ज शहदेब योगीलाई स्वास्थ्य सामग्रीका रुपमा मास्क तथा सेनेटाइजर हस्तान्तरण गरेका हुन । कोरोनाको महामारीको समयमा ग्रामीण क्षेत्रमा आएर स्वास्थ्य सामग्री सहयोग गरेकोमा बुढालाई इन्चार्ज योगीले धन्यवाद दिएका थिए । बुढाले सुरक्षाकर्मीहरुलाई स्वास्थ्य सामग्री सहयोग गर्ने कार्यक्रम निरन्तर रुपमा चलाउने समेत बताएका छन् ।
स्वास्थ्य सामग्री सहयोग कार्यक्रममा घोराही उपमहानगरपालिका–१२ का वडा सदस्य पुष्प बिक (गिरु) र बक्सिङ प्रशिक्षक समिर सिद्धिकीको उपस्थिती रहेको थियो । यस अघि युवा नेता बुढाले घोराहीको नयाँ बसपार्क र घोराही–होलेरी सडक अन्तर्गत दुईखोलीमा रहेको प्रहरी चौकीमा पुगेर स्वास्थ्य सामग्री सहयोग गरेका थिए ।
