चीनको चासो पछि रसुवागढी नाकामा पिसिआर परिक्षण प्रयागशाला राख्ने तयारी – Kanika Khabar
Monday, November 30Nepali News Portal

चीनको चासो पछि रसुवागढी नाकामा पिसिआर परिक्षण प्रयागशाला राख्ने तयारी


    मा प्रकाशित

कनिका खबर
असोज ११, काठमाडौं
नाका नियमित सञ्चालन गर्न नेपालको स्वास्थ्य सुरक्षा सावधानी नपुगेको चीनले बताएको छ । नाका सञ्चालनपूर्व स्वास्थ्य सुरक्षाको तयारीबारे नेपाली भन्सार प्रशासनलाई पत्र पठाउँदै चीनले रसुवामा पीसीआर प्रयोगशाला राख्न र अन्य सुरक्षाको उपाय कडाइका साथ कार्यान्वयन गर्न आग्रह गरेको रसुवा भन्सार कार्यालयले जनाएको छ । नाकाको काममा संलग्न व्यक्तिको रसुवामै तत्काल पीसीआर परीक्षण हुने व्यवस्था गर्न तथा सामान लिएर आउने सवारी साधनको प्रभावकारी डिसइन्फेक्सन गर्न चिनिया पक्षले आग्रह गरेको रसुवाका प्रमुख भन्सार अधिकृत पुण्यबिक्रम खड्काले बताउनुभयो । अहिले चीनतर्फ पहिरो गएकाले सामान आउन रोकिएको र नाका निर्बाध सञ्चालन गर्न चीनले कोभिड १९ विरुद्ध सुरक्षा प्रत्याभूति मागेको खड्काले बताउनुभयो । रसुवागढीबाट नजिकको पीसीआर प्रयोगशाला काठमाडौंमा रहेको जानकारी गराउँदा चिनियाँ अधिकारीहरु आश्वस्त हुन नसकेको उहाँको भनाइ छ । चीनले आग्रह गरेपछि रसुवामा पीसीआर ल्याब राख्न भन्सार विभाग मार्फत पहल थालिएको पनि उहाँले बताउनुभयो ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्