कनिका खबर
असोज १२, दाङ ।
निशुल्क मास्क वितरणको अभियान थालेका ‘मास्क सारथि’ बिरु खत्रीले अभियानलाई जिल्ला बाहिर पनि बिस्तार गरेका छन् । आज सोमबार ‘मास्क सारथि’ खत्रीले छन्द (काले बाबु) नारायणी आँखा अस्पताल, बहादुरगञ्ज कपिलबस्तुमा मास्क वितरण गरेका छन् । दाङ जिल्लामा थालेको निशुल्क मास्क वितरण अभियानलाई जिल्ला बाहिर पनि बिस्तार गर्ने योजनाबमोजिम उनले कपिलबस्तुमा वितरण गरेका हुन् ।
पछिल्लो चरणमा स्वास्थ्य चौकी लयायत स्वास्थ्य संस्थामा मास्क वितरण गर्दै आएका छन् । नेत्रज्योति संघ अन्तर्गत राप्ती आँखा अस्पताल, रक्षाचौर दाङ, घोराही आँखा उपचार केन्द्र, लमही आँखा अस्पतालमा यसअघि नै मास्क वितरण गरिसकेका छन् ।
साथै नारायणपुर स्वास्थ्य चौकी, धर्ना स्वास्थ्य चौकी,ढिकपुर स्वास्थ्य चौकी र डुरुवा इलाका हेल्थ पोस्टमा पनि यसअघि उनले मास्क वितरण गरिसकेका छन् । हालसम्म उनले ६० हजारभन्दा बढी मास्क वितरण गरिसकेका छन् ।
