रोल्पा,१२ असोज ।
रोल्पाको होलेरीमा क्वारेन्टाइनमा रहेका व्यक्तिहरुलाई फलफुल वितरण गरिएको छ ।
अष्टेलियन एडको आर्थिक सहयोग तथा आड्रा नेपालद्वारा रुपान्तरण र ग्रामीण विकास तथा चेतना समाज नेपाल रोल्पाद्वारा सञ्चालित कृषि तथा जीविकोपार्जन प्रवद्र्वन परियोजना अन्तर्गत रुन्टिगढी गाउँपालिका–६ होलेरी क्वारेन्टाईनमा रहेका व्यक्तिहरुलाई फलफुल वितरण गरिको गरेको हो ।
गाउँपालिका प्रवक्ता जगतवहादुर घर्ति मगर र होलेरी वजार व्यवस्थापन समितिका अध्यक्ष भुपाल वस्नेत तथा हेल्थ पोष्ट असिस्टेन्ट देवराज आचार्यको उपस्तीथिमा ४१ औ सामाजिक सेवा दिवस (सप्ताहव्यापी) को अवसरमा क्वारेन्टाईनमा रहेका २० जना व्यक्तिहरुलाई फलफुल वितरण गरिएको हो ।
फलफुल वितरण कार्यक्रमको सहजीकरण परियोजना फिल्ड सहजकर्ता मदन घर्ति मगरले सहजिकरण गरेका थिए ।
समूहलाई जलवायु परिवर्तन अनुकुल प्रविधि हस्तान्तरण
यसैविच सस्थाले रुन्टीगढी गाउँपालिकामा रहेका कृषक समूहलाई जलवायु परिवर्तन अनुकुल प्रविधि हस्तान्तरण गरेको छ ।
अष्ट्रेलियन एड आड्रा नेपालको आर्थिक सहयोग रुपान्तरण र ग्रामीण विकास तथा चेतना समाज ( RUDAS ) नेपालद्वारा सञ्तालित कृषि तथा जीविकोपार्जन प्रर्बद्धन (GOAL-II_) परियोजना अन्तर्गत विभिन्न समुहलाई जलबायु परिवर्तन अनुकुलन प्रबिधि हस्तान्तरण गरेको हो ।
सामाग्री ४१ औ सामाजीक सेवा दिवसको अवसर परेर सप्ताहव्यापी कार्यक्रमका अवसरमा किसानलाई हस्तन्तरण गरिएको रुडास नेपाल रुन्टीगढी गाउँपालिका संयोजक बासुदेव पोख्रेलले जानकारी दिएका छन् ।
‘सामाजीक क्षेत्र राष्ट्रिय गौरव आजको प्राथमिकता, सम्बृद्वी र सुखको लागी सामाजीक रुपान्तरण र उद्यमसीलता’ भन्ने नाराका साथ भएको कार्यक्रममा किसानलाई सामग्री वितरण गरिएको हो ।
