मा प्रकाशित
कनिका खबर
असोज १५, दाङ ।
नेपालमा पछिल्लो २४ घण्टाको अवधिमा आज बिहीबार थप १ हजार ९ सय ११ जनामा कोरोना भाइरस सङ्क्रमण देखिएको छ । आज थपिएका सङ्क्रमितसँगै देशभर कुल सङ्क्रमितको संख्या ७९ हजार नाघेको छ । आज काठमाडौंमा ८ सय १७ जना थपिएका छन् । ललितपुरमा ६९ र भक्तपुरमा ५८ जना कोरोना सक्रमित देखिएको प्रवक्ता डा. जागेश्वर गौतमले जानकारी दिए ।
आजसम्म ७९ हजार ७ सय २८ जनामा सङ्क्रमण पुष्टि भएको छ । पछिल्लो २४ घण्टाको अवधिमा ९ सय ६१ जना सङ्क्रमित निको भएर घर फर्किएका छन् । अहिलेसम्म निको हुनेको संख्या ५७ हजार ३ सय ८९ पुगेको मन्त्रालयको तथ्यांक छ ।
पछिल्लो २४ घण्टामा १२ हजार ४ सय ४४ जनाको पीसीआर परीक्षण गरिएको र अहिलेसम्म १० लाख ३३ हजार ९ सय ४७ जनाको पीसीआर परीक्षण गरिएको मन्त्रालयले जनाएको छ । देशभर ६ हजार ३ सय १० जना क्वारेन्टाइनमा छन् ।
