कनिका खबर
असोज १६, काठमाडौं
सरकारले तत्कालिन अर्थमन्त्री समेत रहनुभएका प्रधानमन्त्रीका विशेष आर्थिक सल्लाहकार डा. युवराज खतिवडालाई अमेरिकाका लागि नेपाली राजदूतमा नियुक्तिका लागि सिफारिस गरेसँगै अब अर्थमन्त्री को बन्ला ? भन्ने चासो बढेको छ । राष्ट्यिसभा सदस्यको पदावधि सकिएसँगै गत भदौ १९ गते अर्थमन्त्रीबाट राजीनामा दिनुभएका खतिवडालाई त्यसको केही दिनमै प्रधानमन्त्रीले विशेष आर्थिक सल्लाहकार नियुक्त गर्नुभएको थियो । त्यसपछि धेरैले अर्थमन्त्रालयको जिम्मेवारी प्रधानमन्त्री आफैंले सम्हाल्न सक्ने बताउँदै आएका थिए । तर अब यो सम्भावना टरेकाले नयाँ अर्थमन्त्रीको खोजी हुने छ । अर्थमन्त्रालयको जिम्मेवारी पाउने चर्चा चलेका नेकपा उपाध्यक्ष बामदेब गौतम बिरुद्धको मुद्दा सर्वोच्चमा छ भने महासचिव विष्णु पौडेल र स्थायी समिति सदस्य तथा पूर्व अर्थमन्त्री सुरेन्द्र पाण्डेको नाम पनि चर्चामा रहेको छ ।
मा प्रकाशित