कनिका संवाददाता
बैशाख २८, दाङ ।
भारतले तिब्बतकाे मानसरोवर जाेड्ने मार्ग बनाएकाेप्रति तीव्र विराेध भएकाे छ । यसैबिचमा नेपाल पत्रकार महासंघले भारतद्वारा नेपाली भूमि अतिक्रमण गरी दार्चुलास्थित व्यास गाउँपालिका–१ को गुञ्जीदेखि लिपुलेकसम्म करिव २२ किलोमिटर सडक निर्माण गरेको घटनाप्रति गम्भीर ध्यानाकर्षण भएको जनाएको छ ।
महासंघका तर्फवाट महासचिव रमेश बिष्टले जारीको गरेको बिज्ञप्तीमा दुई देशबीच सहमति र सन्धि भई सीमाको सिमाङ्कन भइसकेको अवस्थामा भारतद्वारा त्यसलाई नजरअन्दाज गरी एकपक्षीय ढंगबाट सडक निर्माण गरिनु आफैंमा दुःखद् र खेदजनक कार्य भएको उल्लेख छ । त्यसैगरी बिज्ञप्तीमा भारतको यो कदमले नेपालको सार्वभौमसत्तामा आघात पुग्नुका साथै दुई देशबीचको प्रगाढ सम्बन्धमा समेत खलल् पुग्ने खतरा बढेको महासंघको ठहर रहेको बताइएको छ । महासंघ भारतद्वारा गरिएको यो अतिक्रमण तत्काल रोक्न र कूटनीतिक पहलद्वारा समस्या समाधान गरी दुई देशबीचको सम्बन्धलाई अझ प्रगाढ बनाउन नेपाल सरकारको गम्भीर ध्यानाकर्षण गराउँदछ बिज्ञप्तिमा भनिएकाे छ ।
