कनिका खबर
असोज २५, दाङ ।
प्रमुख प्रतिपक्षी नेपाली काङ्ग्रेसले सरकारले अनसनरत डा. गोविन्द के.सी.सँग गरेको सहमतिको स्वागत गरेको छ ।
सरकारले नचाहँदा नचाहँदै पनि चौतर्फी दबाबका कारण सहमति भएको बताउँदै काँग्रेस प्रवक्ता विश्वप्रकाश शर्माले आज आइबार एक विज्ञप्ति जारी गरी सहमतिको सवगत गर्दै सहमति कार्यान्वयनमा जोड दिएका छन् ।
जारी विज्ञप्तिमा भनिएको छ, ‘डा केसीले अघि सार्नुभएका मुद्दाप्रति वर्तमान सरकारको रवैया शुरुआत देखि नै पूर्वाग्रहपूर्ण थियो । जुम्ला अनशन पछि काठमाडौं आइपुग्दा दुव्र्यवहारपूर्ण व्यवहार देखि वार्ता नै नगर्ने हठसम्म प्रस्तुत गर्ने सरकार चौतर्फी दबाबपछि अन्ततः वार्ता समिति बनाउँदै सहमतिमा पुगेको छ । सहमतिलाई हामीले सकारात्मक रूपमा लिएका छौं । तर विगतमा सहमति उल्लंघन गरिएको नजीर दृष्टिगत गर्दै खबरदारी जारी राख्न सबैमा अपील गर्दछौं ।’
गएराति भएको ८ बुँदे सहमतिपछि केसीले आइतबार बिहान अनसत तोडेका थिए ।