प्रतिष्ठानमा इएनटी इन्डोस्कोपी सेवा गर्ने तयारी – Kanika Khabar
Saturday, May 15Nepali News Portal

प्रतिष्ठानमा इएनटी इन्डोस्कोपी सेवा गर्ने तयारी

    मा प्रकाशित

निशान भट्टराई

असोज २५, दाङ ।

दाङको राप्ती स्वास्थ्य बिज्ञान प्रतिष्ठानमा उच्च प्रबिधिको इएनटी इन्डोस्कोपी सेवा सुरु हुने भएको छ ।

उच्च प्रविधिको इएनटी इन्डोस्कोपी ४ के सिष्टमको मेसिन जडान गर्न लागिएको छ ।

मेसिन जडान भएर सेवा सञ्चालन भएमा अब जटिल खालको नाक, कान र घाँटी रोगका उपचार गर्न सहज हुने प्रतिष्ठानका नाक, कान, घाँटी रोग विशेषज्ञ डा। बिक्रम बुढाथोकीले जानकारी दिए ।

प्रतिष्ठानले दशैं तिहारपछि उक्त सेवा सुरु गर्ने उनले बताए ।

मेसिनसंगै जनशक्ति ब्यबस्थापन गर्नुपर्ने भएकाले केही दशैं तिहार पछि सेवा सुरु हुने उनले जानकारी दिए ।

काठमाडौंको टिचिङ र धरानपछि दाङको प्रतिष्ठानमा उच्च प्रबिधिसहितको मेसिन जडान गरिएको उनले जानकारी दिए ।

पश्चिम नेपालमै पहिलो पटक दाङमा उक्त उपकरण जडान गरिएको उनले बताए । उच्च स्तरको मेसिन जडान भएसंगै नाक,कान र घाँटीको जटिल उपचारपनि दाङमै सम्भब हुने उनले विश्वास व्यक्त गरे ।

उक्त उपकरण जडान पछि सेवा सुरु भएमा नाकमा मासु पलाएको, ट्युमर, पिनास लगायतका नाक सम्बन्धि उपचार प्रतिष्ठानमा हुने उनले बताए ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्