देवराज सुवेदी
असोज २९, सिन्धुपाल्चोक ।
मेलम्ची नगरपालिकाको अत्यावश्यक बाहेकका सेवाहरू भोलिबाट कार्तिक ६ गतेसम्म बन्द रहने भएको छ । आज नगरप्रमुख डम्बर अर्यालको अध्यक्षतामा बसेको नगरपालिकाको विभागिय शाखा प्रमुखहरूको बैठकले यस्तो निर्णय गरेको हो । जनप्रतिनिधि एवम् कर्मचारी कन्ट्रयाक ट्रेसिङमा रहेको र समुदायमा कोरोना सङ्क्रमण फैलिदै गएको पाइएकाले मेलम्ची नगरपालिका र यसअन्तर्गतका वडा कार्यालयहरूबाट प्रदान गरिने अत्यावश्यक बाहेकका सम्पूर्ण सेवा बन्द गरिएको नगरपालिका प्रमुख डम्बर अर्यालले जानकारी दिए ।
मा प्रकाशित