कनिका खबर
कार्तिक २, दाङ
राष्ट्रिय खेलकुद परिषद् (राखेप) को बोर्ड बैठक दसैंपछि मात्र बस्ने भएको छ । काठमाडौँ उपत्यकामा कोरोना सङ्क्रमण बढेको भन्दै बोर्ड बैठक दसैंपछि मात्र बस्ने भएको हो । युवा तथा खेलकुद मन्त्री जगतबहादुर विश्वकर्माले सहभागीको संख्या धेरै भएकाले दसैंअघि बोर्ड बैठक बस्ने सम्भावना नरहेको बताउनुभयो । उहाँले दसैंपछि मात्र बोर्ड बैठक बस्न सकिने अवस्था रहेको उल्लेख गर्नुभयो । मन्त्रिपरिषद्को २९ गते बसेको बैठकले राखेपका ९ जना बोर्ड सदस्य नियुक्त गरेको थियो । प्रधानमन्त्री केपी ओलीले राखेपको बोर्ड सदस्यमा हरी खड्का, मानदेव हजारा, पुरेन्द्र लाखे, राजेश गुरुङ, मोहमद सागिर शेख, नन्दा बस्याल, एकेन्द्र कँुवर, चन्द्रबन्दना राई, सुमित्रा चौधरीलाई मनोनित गर्नुभएको थियो । परिषद् अध्यक्षको रुपमा खेलकुद मन्त्री जगत विश्वकर्माले खेलकुद संघको सिफारिसमा रेनुका श्रेष्ठ र सुवर्णा श्रेष्ठलाई नियुक्त गर्नुभएको थियो । नयाँ ऐनले ३७ सदस्यीय राखेपको बोर्डको परिकल्पना गरेको छ । मन्त्रिपरिषद्ले नयाँ ऐन अनुसार राखेप सदस्य सचिवमा रमेश सिलवाल र उपाध्यक्षमा शिव कोइरालालाई नियुक्त गरिसकेको छ ।
मा प्रकाशित
