कनिका खबर
कार्तिक ३, दाङ
इंग्लिस प्रिमियर लिग फुटबलमा टोटेनहम बराबरीमा रोकिएको छ । आइतबार राति भएको खेलमा टोटेनहमले वेस्ट ह्याम युनाईटेडसँग ३–३ गोलको बराबरी खेलेको हो । घरेलु मैदानमा पहिलो हाफमा लिएको ३–० को अग्रता जोगाउन नसक्दा टोटेनहमले बराबरी खेलेको हो । बराबरीसँगै टोटेनहमले ५ खेलमा ८ अंक जोडेको छ । टोटेनहम तालिकाको छैटौं स्थानमा रहेको छ । वेस्ट ह्याम भने आठौं स्थानमा रहेको छ । वेस्ट ह्यामले ५ खेलमा ७ अंक जोडेको छ । गएराति नै भएको अर्को खेलमा, क्रिस्टल प्यालेस र ब्राइटनले बराबरी खेल्दै अंक बाडेका छन् । क्रिस्टल र ब्राइटनले १–१ गोलको बराबरी खेलेको हो । घरेलु मैदानमा सुरुवाती अग्रता जोगाउन नसक्दा क्रिस्टलले बराबरीमा चित्त बुझाउनु परेको हो ।
मा प्रकाशित