कनिका खबर
कात्तिक ५, नुवाकोट
नुवाकोटको पूर्वी भेगमा रहेको शिवपुरी गाउँपालिका वडा नं ६ को भवन निर्माण गरिएको छ । शिवपुरी गाउँपालिकाका अध्यक्ष रामकृष्ण थापाले नवनिर्मित वडा कार्यालयको भवनको उद्घाटन गर्नुभएको छ । वडा कार्यालयको उद्घाटन गर्दै गाउँपालिकाका अध्यक्ष थापाले सबै वडा कार्यालयलाई पूर्वाधार सम्पन्न बनाएर लैजाने बताउनुभयो । अध्यक्ष थापाले जनप्रतिनिधी आईसकेपछि शिवपुरीको विकासमा गति देखिएको दाबी गर्नुभयो । भवन निर्माण भएसँगै सो वडा कार्यालय भञ्ज्याङ्गथोक्स्थित नयाँ भवनमा सरेको छ । वडाध्यक्ष लालवहादुर तामाङले अब वडाबासीलाई चुस्त दुरुस्त र सजिलो गरी सेवा प्रदान गर्न सकिने बताउनुभयो । यसअघि, साघुँरो ठाउँमा सेवा दिंदा सेवाग्राहीलाई समेत समस्या भइरहेको उहाँका भनाइ छ ।
मा प्रकाशित