अमेरिकामा निर्वाचन हुन १२ दिन बाँकी, चुनाब अघिको अन्तिम बहस सकियो

कनिका खबर
कार्तिक ७, दाङ
अमेरिकी राष्ट्रपतिको निर्वाचन हुन १२ दिन बाँकी रहँदा राष्ट्रपति ट्रम्प र डेमोक्र्याटिक प्रतिस्पर्धी जो बाइडनबीच चुनावअघिको अन्तिम बहस सम्पन्न भएको छ । टेनेसी राज्यको नास्भिलमा भएको बहसका लागि तोकिएका विषयमा कोभिड–१९ विरूद्धको लडाइ, अमेरिकी परिवार, जातीय मुद्दा, जलवायु परिवर्तन, राष्ट्रिय सुरक्षा र नेतृत्व थिए । बहसमा दुबै नेताले कोरोना महामारी, चीन, ईरान, रुसलगायतका मुद्दामाथि आ–आफ्नो तर्क अब्बल र विपक्षीलाई कमजोर देखाउन प्रयत्न गरे । बहसमा जो बाइडेनले कोभिड–१९ को महामारीबाट सृजित समस्या समाधान गर्न ट्रम्प प्रशासन असफल रहेको आरोप लगाउनुभयो । अमेरिकामा यी दुइ बीच कडा प्रतिस्पर्धा देखिने अमेरिकि सञ्चार माध्यमहरुले जनाएका छन् । बाइडेन १२ प्रतिशतले ट्रम्पभन्दा अगाडी रहेको सर्भेक्षणहरुले देखाएका छन् । सन् २०१६ को निर्वाचनमा ट्रम्पको पक्षमा देखिएका राज्यहरुमा बाइडेनको पकड देखिएको मतदान अघिका सर्भेक्षण नतिजाहरुमा देखिएको छ ।