कनिका खबर
कार्तिक १७,
विश्व स्वास्थ्य संगठनका महानिर्देशक डा. टेड्रोस एड्हनोम घेबे्रयससले आफूलाई सेल्फ क्वारेन्टाइनमा राख्नुभएको छ । कोरोना सङ्क्रमित व्यक्तिको सम्पर्कमा आएपछि उहाँले आफूलाई सेल्फ क्वारेन्टाइनमा राख्नुभएको हो । उहाँले आफू कोरोना सङ्क्रमित व्यक्तिको सम्पर्कमा आएपछि क्वारेन्टाइन भएको जानकारी दिनुभएको छ । ट्वीट गर्दै उहाँले आफूमा हालसम्म कुनैपनि कोरोनाको लक्षण नदेखिएको जानकारी पनि दिनुभयो । संगठनका प्रमुख डा. टेड्रोसले ट्वीट गर्दै लेख्नुभएको छ, ‘म सँग सम्पर्कमा आएका एक जनामा कोरोना पोजेटिभ देखिएपछि मैले आफूलाई क्वारेन्टाइन गरेको छु । म स्वस्थ छु । म मा कुनैपनि लक्षण देखिएको छैन । तर, प्रोटोकलका अनुसार मैले आफूलाई सेल्फ क्वारेन्टाइन गरेको छु र घरबाटै काम गर्नेछु ।’ महामारीको बीच स्वास्थ्य सम्बन्धी मापदण्डलाई पूर्ण रुपले पालना गर्नुपर्ने भन्दै यसले कोरोनाको प्रसारलाई कम गर्नमा मदत पुग्ने डा. टेड्रोसको भनाइ छ ।