होम आईसोलेसनमा रहेका नमोबुद्धका वृद्धको कोरोनाबाट मृत्यु

कनिका खबर
कार्तिक २३, काभ्रे
कोरोना सङ्क्रमण पुष्टि भई होम आईसोलेसनमा रहेका एक वृद्धको कोरोनाबाट मृत्यु भएको छ । मृत्यु हुनेमा काभ्रे जिल्ला नमोबुद्ध नगरपालिका वडा नं ८ का ८६ वर्षिय पुरुष रहेको स्वास्थ्य कार्यलय काभ्रेले जानकारी दिएको छ । स्वास्थ्यमा समस्या आएपछि धुुलिखेल अस्पतालमा उपचार गराउन गएका उनको स्वाव लिएर घर पठाईएको थियो । गत बिहिबार २१ गते उनमा कोरोना सङ्क्रमण पुष्टि भएको र आज बिहान उनको मृत्यु भएको नमोबुद्ध नगरपालिकाका आईसोलेसन फोकल पर्सन सोभाकान्त आचार्यले जानकारी दिनुभयो । मृतक पुरुषको परिवारले आजै अन्त्यष्टि गरिसकेका छन् । यो सँगै काभ्रे जिल्लामा कोरोनाबाट मृत्यु हुनेको संख्या २६ पुगेको छ ।