मा प्रकाशित
कनिका खबर
कार्तिक २६, दाङ ।
भारतमा कोरोना भाइरसको सङ्क्रमण दर घट्दै गएको छ । दुई महिना अघिसम्म एकैदिन एक लाख हाराहारीसम्म सङ्क्रमित भेटिएका भारतमा अहिले यो संख्या औषत ४० हजारमा झरेको छ । पछिल्लो २४ घण्टामा थप ४४ हजार ६७९ जनामा कोरोना भाइरसको सङ्क्रमण पुष्टि भएको छ । यो सँगै भारतमा सङ्क्रमितको संख्या ८६ लाख ३५ हजार ७५४ पुगेको छ । सङ्क्रमितमध्ये अहिलेसम्म ८० लाख ११ हजार ८४४ जना सङ्क्रमणमुक्त भएका छन् । यस्तै भारतमा कोरोना भाइरसको सङ्क्रमणले मृत्यु हुनेको संख्या १ लाख २७ हजार नाघेको छ । पछिल्लो २४ घण्टामा थप ५११ जनाको मृत्यु भएसँगै भारतमा कोरोनाले ज्यान गुमाउनेको संख्या १ लाख २७ हजार ६१५ पुगेको छ ।
